Liebe Stadt Zürich,
Voilà mein Song, ein Drama in 4 Akten, geschrieben am Dienstag, 30. November!
Herzlich
Gina Corti
S’Dilemma
Gina Corti, 1.12.2021
Ich ha denkt, mis Studio seg de Wahn
Doch denn hört me statt em spille
Halt doch nur d Isebahn
Wie sölli so es Strichquartett ufne?
Ich tus probiere z’isoliere, doch me hörts halt doch no meh
Segs ned charmant, sone Zug wo dure fahrt? (- s’isch en S-Bahn)
Für charmant zahlt wükli niemerts
Das isch en zimli schlechte Start
Ich möchti doch eifach nur selbständig si
Wie chumi jetz dethi?
Säg, Züri, hilfsch du mir…
Doch zum üebe chönti s’Rümli doch no ha
Doch dänn wirds bald November
Und d’Heizig gaht nöd a
Repariere chöni mer si nöd (- oder s’wär vill z’tüür)
Au isoliere seg unmögli
Das isch jetz scho chli blöd
Ide Nacht gfrüürt mini Bratsche a de Wand
Gang direkt go repariere mit Iszäpfe i de Hand
Nümm üebe, nümm ufneh, nöd mal d Bratsche la
Was sölli jetz na da?
Ich muen de Ruum sofort verla
Zum ufneh ziehni jetz vo Tür zu Tür
Erbettle es paar Stunde, defür zahle wär vill z’tüür
Und üebe tuni ganz lislig dihei (-Hei Gina, üebsch na lang?)
Mini Nachbare dreiet dure
De Mitbewohner fint’s en Scheiss
Und d’Decki gheit mer längschtens ufe Grind
Wie sölli so guet schaffe? Ich bruch e Lösig, gschwind!
Dänn sehn ich die Azeig und glaub, s’cha ned sii?
Es wäri de perfekti Ruum für mi (-de perfekti Ruum!)
Säg Züri, gsehsch das i…
D’Kombi vo Kunst und Corona isch ned liecht
Doch ich chan jetz devo lebe und so schribi au das Lied, will
Züri, mis Budget isch zwar chli (-ich bi pleite!)
Aber ich wot halt doch nüt anders, als Musikerin si
Chasch du mier hälfe us mim Dilemma
Chönti die Musikbox ha
Stadt Züri
Säg doch bitte bitte
JA